Katibu Mkuu Bi. Suzan amewataka Watumishi wa Wizara ya Habari kufanyakazi kwa uadilifu. - Mtazamo News: Home
advertise here +255755 300 337

HABARI ZA HIVI PUNDE

TANGAZO

advertise here +255755 300 337

Thursday, November 2, 2017

Katibu Mkuu Bi. Suzan amewataka Watumishi wa Wizara ya Habari kufanyakazi kwa uadilifu.






 Katibu Mkuu Wizara ya Habari Utamaduni Sanaa na Michezo Bi. Suzan Mlawi akiongea na watumishi wa Wizara hiyo mjini Dodoma ambapo amewataka kufanyakazi kwa uadilifu kwa kuzingatia maadili ya Utumishi wa Umma. Wa kwanza kushoto ni Naibu Katibu Mkuu wa Wizara hiyo Bw. Nicholaus William.
Katibu Mkuu Wizara ya Habari Utamaduni Sanaa na Michezo Bi. Suzan Mlawi akiongea na watumishi wa Wizara hiyo wakati wa kikao cha wafanyakazi Mjini Dodoma.

(Picha na Eleuteri Mangi, WHUSM-Dodoma).
....
Na Eleuteri Mangi, WHUSM-Dodoma

Katibu Mkuu Wizara ya Habari Utamaduni Sanaa na Michezo Bi. Suzan Mlawi amewataka watumishi wa wizara hiyo kufanyakazi kwa uadilifu na weledi kwa kuzingatia maadili ya Utumishi wa Umma katika kuwahudumia wananchi.

Katibu Mkuu Bi.Suzan amesema hayo mjini Dodoma katika kikao na watumishi wa Wizara ambapo amewahamasisha kufanya kazi kwa bidii ili kufikia malengo ya Serikali ya kuwatumikia wananchi kupitia sekta za wizara hiyo ambazo ni Habari, Utamaduni, Sanaa na Michezo.

“Endeleeni kuwa waadilifu na kuzingatia maadili ya utumishi wa umma, ni wajibu wa kila mmoja wetu kufanya kazi kwa kuzingatia sheria, kanuni na taratibu. Sheria zipo ili zitekelezwe” alisisitiza Katibu Mkuu Mlawi.

Aidha, Katibu Mkuu huyo amewataka watumishi hao kushirikiana kwa karibu na viongozi ili kuimarisha umoja utakaoleta maarifa na ufanisi wa matokeo bora ya kiutendaji kwa manufaa ya umma.

Naye Naibu Katibu Mkuu wa Wizara hiyo Bw. Nicholaus William amewaomba watumishi kuzingatia kufika ofisini kwa muda uliopangwa na kuwahudumia wananchi ipasavyo ili kujenga taifa lenye matokeo chanya ya kiutendaji na hivyo kuleta maendeleo katika Habari, Utamaduni,Sanaa na Michezo.

Akitoa neno la shukrani kwa niaba ya watumishi, Mkurugenzi wa Idara ya Maendeleo ya Michezo Bw. Yusuph Singo amewahakikishia  kuwapa ushirikiano  viongozi hao kwa kufanya kazi kwa kujituma ili kusukuma mbele gurudumu la maendeleo ya Wizara.

“Tutafanyakazi kwa uadilifu kwa mujibu wa Sheria, kanuni, taratibu na maelekezo yenu kwa kufuata kasi ya Mhe. Rais wa Jamhuri ya Muungano wa Tanzania Dkt. John Pombe Magufuli tukiongozwa na Sera yake ya “Hapa Kazi Tu”.

Post Bottom Ad


Pages