Tanroads Tabora yaanza kutekeleza agizo la Rais Magufuli la ujenzi wa barabara zilibaki. - Mtazamo News: Home
advertise here +255755 300 337

HABARI ZA HIVI PUNDE

TANGAZO

advertise here +255755 300 337

Tuesday, August 29, 2017

Tanroads Tabora yaanza kutekeleza agizo la Rais Magufuli la ujenzi wa barabara zilibaki.

 Mkuu wa Mkoa wa Tabora Aggrey Mwanri akitoa ufafanuzi kwa Mkandarasi aliyepewa kazi ya kujenga ya barabara ya Kiloleni ya mjini Tabora inayojengwa kwa kiwango cha lami kwa ufadhili wa Benki ya Dunia. Mkuu huyo wa Mkoa aliendesha zoezi hilo jana mjini baada kikao kazi cha siku cha Mameneja wa Wakala wa Barabara za vijijini na Mjini Tanzania (TARURA) kutoka Wilaya mbalimbali za  mkoa huo
 Meneja wa Wakala  wa Barabara nchini (TANROADS)  mkoani Tabora Mhandisi DamianNdabalinze akitoa ufafunuzi jana mjini hapa kwa Mkuu wa Mkoa wa Tabora Aggery Mwanri (hayupo katika picha)  wakati wa ziara yake alipokwenda kukagua  maendeleo ya ujenzi wa baraabara ya Kiloleni inayojengwa kwa kiwango cha lami kwa ufadhili wa Benki ya Dunia.
 Mkuu wa Mkoa wa Tabora Aggrey Mwanri akipima upana wa barabara ya Kiloleni  inayojengwa kwa kiwango cha lami kwa ufadhili wa Benki ya Dunia. Mkuu huyo wa Mkoa aliendesha zoezi hilo jana mjini baada kikao kazi cha siku cha Mameneja wa Wakala wa Barabara za vijijini na Mjini Tanzania (TARURA) kutoka Wilaya mbalimbali za  mkoa huo
Mkuu wa Mkoa wa Tabora Aggrey Mwanri akifungua kikao kazi jana cha siku cha Mameneja wa Wakala wa Barabara za vijijini na Mjini Tanzania (TARURA) kutoka Wilaya mbalimbali za  mkoa huo

Picha zote na Tiganya Vincent-RS Tabora
.............
Na Tiganya Vincent RS-TABORA

WAKALA  wa Barabara nchini (TANROADS)  mkoani Tabora imesema kuwa tayari imeshaanza kutekeleza hatua mbalimbali za maandalizi ya ujenzi wa barabara ambazo Rais wa Jamhuri ya Muungano wa Tanzania Mhe. Dkt. John Pombe Magufuli aliagiza ujenzi wake uanze mara moja wakati akiwa katika ziara ya mkoa huo.

Kauli hiyo ilitolewa jana mjini Tabora na Meneja wa TANROADS Mhandisi Damian Ndabalinze kwenye kikao kazi kiliandaliwa na Mkuu wa Mkoa wa Tabora kwa Mameneja wa Wakala wa Barabara za Vijijini na Mjini Tanzania(TARURA) wa mkoani humo.
Mhandisi Ndabalinze alisema kuwa katika barabara ya kutoka Kaliua hadi Urambo kazi za awali za kwa ajili ya kuanza maandalizi ya ujenzi inaendelea katika eneo la mradi.
Alisema kwa upande wa barabara ya ujenzi wa barabara ya Nyahua hadi Chaya yenye urefu wa Kilometa 84 wameshaanza hatua za awali baada ya Kuwait Fund ambaye ndio watoa fedha za mkopo wa ujenzi wa barabara hiyo kutokuwa na pingamizi.
Meneja huyo wa TANROADS Mkoa aliongeza kuwa hivi sasa wanachongojea ni ufunguzi wa zabuni ambayo itafanyika katika kipindi  wiki moja ijayo ili kazi nyingine zianze.

“ Barabara ya Nyahua  Chaya tumepata ‘no objection’ kutoka kwa Kuwait Fund….’consultant’ tulishafungua ile ‘technical’ sasa tunasubiri financial itafunguliwa tarehe saba Mwezi ujao kwa hiyo tunategemea tukishampata ‘Consultant’ mkataba utasainiwa kwa ajili ya kuanza kazi”alisema Ndabalinze.

Kuhusu tenda kwa ajili ya ujenzi wa barabara ya Pangale kupitia Kuga hadi Mpanda kwa kiwango cha lami , alisema kuwa zimeiva zinatarajiwa kufunguliwa tarehe sita mwezi ujao.

Alisema kuwa ujenzi barabara hiyo kwa kiwango cha lami unatarajiwa kuanza mapema mwakani(2018).

Kwa upande wa barabara kutoka Ipole mkoani Tabora hadi Rungwe  mkoani Mbeya yenye urefu wa kilimeta  172 Mshauri yuko katika eneo la mradi akiendelea shughuli mbalimbali za michoro na kuchukua vipimo mbalimbali ikiwemo aina ya udongo.
Alisema baada ya Mshauri kukamisha kazi hiyo itabaki shughuli ya kutafuta fedha kwa ajili ya kuanza  ujenzi wa barabara hiyo kwa kiwango cha lami.

Mwezi uliopita Rais Magufuli alikuwa na ziara Mkoani Tabora ambapo alimwagiza Waziri, wa Ujenzi , Uchukuzi na Mawasiliano kuhakikisha ndani ya Mwezi mmoja Mkandarasi wa ujenzi wa barabara ya kutoka Kaliua hadi Urambo ambayo ina umbali wa Kilometa 28 awe katika eneo la tukio.

Barabara nyingine ni ile ya Chaya hadi Nyahua ambayo ina urefu wa Kilometa 84 alisema ndani ya mwezi moja na nusu kandarasi iwe imeanza.

Post Bottom Ad


Pages