Makonda:Tunaitengeneza Dar Mpya - Mtazamo News: Home
advertise here +255755 300 337

Post Top Ad

advertise here +255755 300 337
Makonda:Tunaitengeneza Dar Mpya

Makonda:Tunaitengeneza Dar Mpya

Share This
 Mkuu wa Mkoa wa Dar es salaam Paul Makonda leo akizungumza leo wakati alipokabidhiwa mradi wa Maboresho ya Mtaa Samora jijini Dar es salaam  na Shirika la Maendeleo la Serikali ya Japan (JICA) 
 Mkuu wa Mkoa wa Dar es salaam Paul Makonda  na Mkuu wa Wilaya ya Ilala Sophia Mjema wakikata utepe leo wakati wa makabidhiano ya  mradi wa Maboresho ya Mtaa Samora. 
Mkuu wa Mkoa wa Dar es salaam Paul Makonda na Mkuu wa Wilaya ya Ilala Sophia Mjemna Meya wa Jiji la Dar es salaam Isaya Mwita wakiongozana wakati wa makabidhiano ya  mradi wa Maboresho ya Mtaa Samor.
………………………………………………………………….
Mkuu wa Mkoa wa Dar es salaam Paul Makonda leo amekabidhiwa mradi wa Maboresho ya Mtaa Samora jijini Dar es salaam uliogharimu zaidi ya Shilingi Milioni 840 zilizofadhidhiliwa na  Serikali ya Japan kupitia Shirika la Kimataifa la maendeleo Japan (JAICA) na Manispaa ya Ilaa uliokamilika kwa 100%.

Mradi huo umehusisha ujenzi wa sehemu za Maegesho, mapumziko ya watu,upandaji wa miti na Maua,maboresho ya mazingira,uwekaji wa alama za barabarani pamoja na maboresho ya mitaa kuanzia Makutano ya Barabara ya Samora na Morogoro ikienda sambamba na kupunguza msongamano.

Akizungumza kwenye makabidhiano hayo Makonda amemuagiza Mkuu wa Wilaya ya Ilala Sophia Mjema kuhakikisha majengo yote ya Ghorofa eneo la Posta yanafungwa Taa na Runinga za Matangazo ili kupendezesha Mji na kuongeza mwanga nyakati za usiku.


Amesema katika nchi zilizoendelea ikiwemo Marekani majengo marefu yamekuwa sehemu ya matangazo hususani nyakati za usiku na kufanya miji kupendeza hivyo hata Dar es salaam tunaweza kufanya hivyo ili kufikia azma ya Rais Magufuli kutaka Dar es salaam kuwa mji wa Biashara.

Aidha amesema mradi huo utakuwa wa awamu ili kuhakikisha mitaa na maeneo ya wazi yanaboreshwa ilikuwafanya wananchi kuwa na maeneo mengi ya kupumzika na kubadilishana mawazo ikiwa ni maono yake ya Dar es salaam Mpya.

Awali eneo hilo lililofahamika kama Kaburi Moja lilikuwa likitumika kama Choo, Maegesho holela na wakati mwingine likitumiwa kwa uhalifu na uchafu wa mazingira.

Amewataka wananchi kutunza vizuri eneo hilo ili liweze kuwanufaisha wengi huku akipiga marufuku wamachinga kutofanya biashara kwenye eneo hilo.


Aidha Makonda amesema anataka kuona vituo vyote vya Daladala mkoa wa Dar es salaam vinaboreshwe kuwa vya kisasa na kuwa sehemu ya matangazo ili kupendezesha mji na kuchangia ongezeko la mapato.
Post a Comment

Post Bottom Ad


Pages