MKUU WA WILAYA YA IKUNGI MHE MIRAJI MTATURU AFUTURISHA NA KUWASIHI WAISLAMU KUDUMISHA MISINGI YA QURAN - Mtazamo News: Home

HABARI ZA HIVI PUNDE

advertise here +255755 300 337

Post Top Ad


Sunday, June 25, 2017

MKUU WA WILAYA YA IKUNGI MHE MIRAJI MTATURU AFUTURISHA NA KUWASIHI WAISLAMU KUDUMISHA MISINGI YA QURAN

 Mkuu wa Wilaya ya Ikungi Mhe Miraji Jumanne Mtaturu akihutubia mamia ya wakazi wa Wilaya hiyo waliojitokeza wakati wa futari katika Ukumbi was Shule ya Sekondari Ikungi.
 Kadhi wa mkoa wa Singida Ramadhan Shekh Kaoja akitoa neno la Shukrani kwa niaba ya waumini wote waliojitokeza kwenye ibada ya futari iliyoandaliwa na Mkuu wa Wilaya ya Ikungi Mhe Miraji J. Mtaturu
 Mkuu wa Wilaya ya Ikungi Mhe Miraji Jumanne Mtaturu (Kushoto) Akimshukuru mwenyekiti wa CCM wilaya Ndg Hassan Tati kwa kuhudhuria hafla ya futari katika Ukumbi wa Shule ya Sekondari Ikungi
 Mkuu wa Wilaya ya Ikungi Mhe Miraji Jumanne Mtaturu (Kushoto) Akimshukuru Kadhi wa mkoa wa Singida Shekh Ramadhan Kaoja kwa kuhudhuria hafla ya futari katika Ukumbi wa Shule ya Sekondari Ikungi
 Waumini wakimpa mkono Mkuu wa Wilaya ya Ikungi Mhe Miraji J. Mtaturu mara baada ya hafla ya futari aliyowaandalia katika ukumbi wa shule ya Sekondari Ikungi kukamilika.
 Waumini wakimsikiliza kwa making Mkuu wa Wilaya ya Ikungi Mhe Miraji J. Mtaturu mara baada ya hafla ya futari aliyowaandalia katika ukumbi wa shule ya Sekondari Ikungi kukamilika.
 Waumini wakimsikiliza kwa making Mkuu wa Wilaya ya Ikungi Mhe Miraji J. Mtaturu mara baada ya hafla ya futari aliyowaandalia katika ukumbi wa shule ya Sekondari Ikungi kukamilika
Waumini wakimsikiliza kwa making Mkuu wa Wilaya ya Ikungi Mhe Miraji J. Mtaturu mara baada ya hafla ya futari aliyowaandalia katika ukumbi wa shule ya Sekondari Ikungi kukamilika.

MKUU wa Wilaya ya Ikungi Mkoani Singida  Miraji J. Mtaturu awafuturisha waislamu wa Wilaya hiyo huku akiwasihi kuendeleza tabia njema kwa kufuata misingi iliyohifadhiwa na Allah katika kitabu chake cha (Quran) hata baada ya mwezi Mtukufu wa Ramadhan kumalizika.

Akizungumza na Waislamu hao baada ya kupata futuru Wilayani humo Mhe Mtaturu alisema kuwa katika Mwezi Mtukufu wa Ramadhan watu wametenda mema yanayopaswa kuendelezwa hata baada ya mwezi huo.

"Wakati tupo kwenye mfungo huu tupo kwenye darasa la tabia njema hivyo nawashauri hata baada ya mfungo huu tuyaendeleze," alisema Mtaturu.
Alisema kuwa serikali inafarijika pale inapoona wananchi wake wakifuata imani za dini zao na hivyo kuwa raia wema na nchi kuendelea kuwa na amani.

"Tunamaliza kukamilisha moja ya nguzo tano za uislamu panapo majaaliwa ya Mwenyezi Mungu, hivyo nawaombeni Ndugu zangu Waislamu hapa Wilayani Ikungi na Duniani kwa ujumla isiwe mwisho wa kufanya mema bali iwe ni mwendelezo wa kutenda haki, kudumisha amani na mshikamano katika siku zetu zote za maisha yetu," alisisitiza Mtaturu.

Mhe Mtaturu aliwatakia maandalizi mema ya sikukuu ya Eid El Fitri huku akiwaasa kusherehekea kwa amani, utulivu na upendo na kukumbuka kutoa Zaka kwa watu wasio na uwezo.

Alitumia nafasi hiyo kuwaomba wananchi kumuombea Rais Dokta John Magufuli kutokana na kazi kubwa anayoifanya katika  kuendeleza  dhamira yake ya kulinda rasilimali za nchi ili ziwanufaishe watanzania wote hasa wale wanyonge na wasiojiweza.

Kwa upande wake Sheikh wa Wilaya hiyo Abdi Seleman akitoa neno la shukrani alimshukuru mkuu wa wilaya hiyo kwa kuwafuturisha na kusema kuwa hiyo ni mara ya kwanza toka wilaya hiyo ianzishwe kwa mkuu wa wilaya kuwaalika futari hivyo Mkuu huyo ameonyesha kuwajali watu anawaongoza.

"Kwa sadaka yako hii kwetu tunamuomba  Mwenyezi Mungu akulipe kila la kheri,na inshallah huu usiwe mwisho bali uwe mwanzo wa kufanya hivi," alisema Sheikh Seleman.

Nae Kadhi wa mkoa wa Singida Ramadhan Kaoja alimshukuru  mkuu wa wilaya hiyo na kusema hiyo ni dalili za kiongozi bora kwa kuwa karibu na jamii lakini pia ni sehemu ya kukamilisha imani yake ambapo kwa mwezi huu wa Ramadhan kwa kufuturisha anapata thawabu nyingi sana.

Post Top Ad

advertise here +255755 300 337