MEYA MSTAAFU YUSUFU MWENDA AMEWATAKA VIONGOZI WA SERIKALI KUMUUNGA MKONO RAIS JOHN - Mtazamo News: Home

HABARI ZA HIVI PUNDE

Post Top Ad

TANGAZO


Wednesday, June 21, 2017

MEYA MSTAAFU YUSUFU MWENDA AMEWATAKA VIONGOZI WA SERIKALI KUMUUNGA MKONO RAIS JOHN

Meya mstaafu wa Manispaa ya Kinondoni Yusufu Mwenda amewataka viongozi wa Chama na Serikali waliopo madarakani kumuunga mkono Rais John Pombe Magufuli katika harakati zake za kimaendeleo anazozifanya.
Akizungumza  mara baada ya futari aliyoiandaa kwa  waumini wa dini ya Kiislam nyumbani kwake Jijini Dar es salaam juzi, Mwenda alisema viongozi hawana budi kuendana na dhamira aliyonayo Rais hususani kipindi hiki anapofanya mambo mbalimbali.

Alisema uongozi uliopita kabla ya magufuli ambao wao walikuwa madarakani ulikuwa na vipaumbele vyake ilivyokuwa ikivitekeleza na vivyo hivyo kwa Serikali ya sasa,jambo alilosisitiza kuwa ni vyema wananchi pia wakaunga mkono
"Huu ni muda Magufuli, ana kipindi cha uongozi wa miaka mitano aliyopo sasa, na akimaliza hapo ataendelea na kipindi cha miaka mitano mingine...hatuna budi kumuunga mkono ili atimizie yale yote mazuri aliyokusudia kulifanyia Taifa hili" alisema Mwenda.

Aidha alisema viongozi waliopo madarakani kwa pamoja  wanapaswa kushirikiana kwa namna mbalimbali ili kuhakikisha maendeleo yanapatikana na kusisitiza kuwa pasipo ushirikiano huo hakuna maendeleo yanayoweza kupatikana.

Awali Meya wa sasa waManispaa hiyo Benjamini Sitta, mbali na kusifu juhudi zinazofanywa na Rais Magufuli, alimpongeza Meya Mwenda kutokana na namna alivyoiongoza Kinondoni enzi za utawala wake. 
Alisema mfano wa uongozi uliyoonyeshwa na kiongozi huyo katika Manispaa hiyo wakati wa uongozi wake, ulimvutia kila mtu huku akiahidi kufuata nyendo zake ilikuiletea manispaa hiyo maendeleo.

" Ukiacha sifa zingine nyingi ulizoziacha pale ofisini, pia niliambiwa kipindi kama hiki cha mwezi mtukufu wa ramadhani ulikuwa na utaratibu wa kuwakutanisha watu mbalimbali na kuwafuturisha...nami naahidi kufuata utaratibu huo kwa kuwa ni jambo jema" alisema Sitta.

Aidha alisema wakati uliopo sasa unampasa kila kijana kufanya kazi kwa lengo la kujiletea maendeleo yeye binafsi pamoja na Taifa lake kwa ujumla.

Mbali na viongozi hao, dhifa hiyo pia iliudhuriwa na  wananchi mbalimbali wa mtaa anaoishi meya huyo pamoja na viongozi wa dini ya Kiislam kutoka Makao Makuu ya Baraza la Kiislam Tanzania(BAKWATA) wakimuwakilisha Mufti wa Tanzania Sheikh Abubakary Zuberi

TANGAZO