DKT. MPOKI AWAASA WAFANYAKAZI KUJIEPUSHA NA VITENDO VYA RUSHWA. - Mtazamo News: Home

HABARI ZA HIVI PUNDE

Post Top Ad

TANGAZO


Wednesday, June 21, 2017

DKT. MPOKI AWAASA WAFANYAKAZI KUJIEPUSHA NA VITENDO VYA RUSHWA.

 Meza kuu ikiongozwa na Katibu Mkuu  wa Wizara Afya, Maendeleo ya Jamii, Jinsia, Wazee na watoto  Dkt Mpoki Ulisubisya wakiimba nyimbo yakuhamasisha  Umoja na  Mshikamano wakati wa ufunguzi wa Baraza la Wafanyakazi wa Wizara ya Afya leo jijini Dar Es Salaam.
 Wadau wa Wizara ya Afya na wageni waalikwa wakiimba wimbo wa pamoja wa  kuhamasisha mshikamano ulioongozwa na Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Dkt. Mpoki Ulisubisya (hayupo katika picha) katika ufunguzi wa kikao cha Baraza la Wafanyakazi  leo jijini Dar es Salaam.

NA WAMJW -DAR ES SALAAM

KATIBU Mkuu Wizara ya Afya, Dkt. Mpoki Ulisubisya amewaasa wafanyakazi wa Wizara hiyo kujiepusha na vitendo vya kupokea rushwa pindi watoapo huduma kwa wananchi.

Akiongea hayo wakati wa kikao cha uzinduzi wa baraza jipya la wafanyakazi wa wizara ya Afya,Maendeleo ya Jamii,Jinsia,Wazee na Watoto uliofanyika leo jijini Dar es salaam ambapo wajumbe wa baraza hilo walikutana kwa pamoja.

“Nitumie fursa hii kuwaasa watumishi wote kuacha kufanya kazi kwa mazoea ikiwa ni kujiepusha na vitendo vya rushwa,uzembe,majungu na ufisadi kwani kama mnavyojua sekta ya Afya ni miongoni mwa sekta zinazopigiwa kelele na wadau mbalimbali juu ya vitendo vya rushwa” alisema Dkt. Mpoki.

Aidha Dkt. Mpoki alisema kuwa watumishi wanapaswa kukataa vitendo viovu sehemu zao za kazi na kupinga vitendo vya rushwa kwa hiari na kuhakikisha tuhuma hizo zinakwisha kwa kuchukua hatua madhubuti za kuboresha mifumo ya utendaji kazi.

Mbali na hayo Dkt. Mpoki amewasisitiza watumishi kupima afya zao mara kwa mara ili kujua mustakabari wa afya zao pamoja na kuwa na tabia ya kufanya mazoezi kwani wanatumia muda mwingi kukaa ofisini.

Kwa upande wake Mtoa mada kutoka Ofisi ya Waziri Mkuu ,Kazi, Vijana,Ajira na wenye Ulemavu Bi. Tulia Msemwa amesema kuwa kazi kubwa ya Baraza hilo la Wafanyakazi kuishauri Wizara kuweza kutoa huduma bora na sahihi  kwa wananchi bila ubaguzi.

TANGAZO